کرونا وائرس کی تشخیص اب پاکستان میں بھی ممکن

اسلام آباد : چین سے کروناوائرس کی تشخیصی کٹس آج شام تک پاکستان پہنچ جائیں گی، جس کے بعد قومی ادارہ صحت کرونا وائرس کا تشخیصی ٹیسٹ کر سکے گا۔

تفصیلات کے مطابق چین سے کرونا وائرس کی تشخیصی کٹس پاکستان کیلئے روانہ کردیں گئیں ہیں ، وائرس کی ٹیسٹنگ کٹس 24گھنٹےمیں پاکستان پہنچیں گی اور قومی ادارہ صحت کے حوالے کی جائیں گی۔

ذرائع کا کہنا ہے کہ پاکستان نےچین سے کرونا ٹیسٹنگ کٹس کی فراہمی کی درخواست کی تھی ، کٹس ملنے پر قومی ادارہ صحت کرونا وائرس کا تشخیصی ٹیسٹ کرسکےگا۔

ذرائع کے مطابق اس سے پہلے کرونا کی تشخیص کیلئے سیمپل ہانگ کانگ بھجوائے جارہےتھے، چین سےمحدودتعدادمیں کروناٹیسٹنگ کٹس منگوائی گئی ہیں، ضرورت پڑنےپرچین سےمزیدٹیسٹنگ کٹس منگوائی جائیں گی۔