پاکستان کے صوبہ پنجاب کے وزیرِ اطلاعات فیاض الحسن چوہان کی جانب سے ایک تقریب میں ہندوؤں کے بارے میں ریمارکس نے پاکستانی سوشل میڈیا پر ہنگامہ کھڑا کر دیا ہے۔
پاکستان میں اس وقت #SackFayazChohan اور #Hindus ٹاپ ٹرینڈ ہیں۔
پاکستانی سوشل میڈیا پر گردش کرنے والے کلپ میں وزیرِ اطلاعات کو ہندو مذہب سے تعلق رکھنے والے افراد کے بارے میں تضحیک آمیز کلمات ادا کرنے سنا جا سکتا ہے۔
فیاض الحسن چوہان ماضی میں بھی اپنے بیانات کی وجہ سے تنقید کی زد میں رہے ہیں۔
انھوں نے لاہور میں منعقدہ تقریب میں انڈیا اور پاکستان کے درمیان حالیہ سرحدی کشیدگی اور جھڑپوں کا ذکر کرتے ہوئے ہندو برادری سے تعلق رکھنے والے افراد کے لیے حقارت آمیز الفاظ استعمال کیے۔
This is what we get in response to our love & patriotism for #Pakistan from @PTIPunjabPK Minister @Fayazchohanpti using derogatory words for #Hindus "cow's urine" peenay walo & "idol worshippers" without realizing that #4million Hindus live here. Even his party has Hindu MPs. pic.twitter.com/h8rbpVcjLr
— Kapil Dev (@KDSindhi) March 4, 2019
خیال رہے کہ بالاکوٹ میں انڈین طیاروں کی کارروائی کے بعد پاکستان میں بسنے والے ہندوؤں کی جانب سے سوشل میڈیا پر یہ اعتراض کیا جاتا رہا ہے کہ انڈیا کے اس عمل پر تنقید کرنے یا ردعمل دینے والے ہندو برادری کو کیوں اس کا ذمہ دار ٹھہرا رہے ہیں۔
ہندو سماجی کارکن کپیل دیو نے ٹوئٹر پر اپنے پیغام میں کہا کہ ’ہمیں پاکستان سے اپنی محبت اور حب الوطنی دکھانے کے جواب میں پی ٹی آئی کے وزیر فیاض چوہان سے یہ ملا کہ وہ یہ سوچے بغیر کہ یہاں 40 لاکھ ہندو رہتے ہیں، ہندوؤں کے لیے `گائے کا پیشاب` پینے والے جیسے تحقیر آمیز الفاظ استعمال کر رہے ہیں۔ ان کی اپنی پارٹی میں ہندو رکنِ پارلیمان ہیں۔
فیاض الحسن چوہان کی جانب سے تاحال اپنے بیان کے بارے میں کوئی وضاحت سامنے نہیں آئی ہے تاہم ان کے اس عمل پر نہ صرف عوام بلکہ خود ان کی جماعت کے رہنماؤں کی جانب سے بھی نہ صرف شدید تنقید کا سامنا کرنا پڑا بلکہ وزیر اعظم کے معاون نعیم الحق نے تو ان کے خلاف کارروائی کا اعلان بھی کر دیا۔
The derogatory and insulting remarks against the Hindu community by Fayyaz Chohan the Punjab Info Minister demand strict action. PTI govt will not tolerate this nonsense from a senior member of the govt or from anyone. Action will be taken after consulting the Chief Minister.
— Naeem ul Haque (@naeemul_haque) March 4, 2019
نعیم الحق نے ٹوئٹر پر اپنے پیغام میں کہا کہ فیاض الحسن چوہان کا بیان سخت کارروائی کا تقاضا کرتا ہے اور ان کے خلاف وزیر اعلیٰ پنجاب کی مشاورت سے قدم اٹھایا جائے گا۔
نعیم الحق کا مزید کہنا تھا کہ پاکستان تحریکِ انصاف کی حکومت سینیئر حکومتی رکن یا کسی کی بھی جانب سے اس قسم کی فضول بات برداشت نہیں کرے گی۔
تحریکِ انصاف سے ہی تعلق رکھنے والی وفاقی وزیرِ انسانی حقوق شیریں مزاری نے بھی اس جانب توجہ دلائے جانے پر ٹوئٹر پر اپنے مذمتی پیغام میں کہا کہ کسی فرد کو بھی کسی کے مذہب کو ہدف تنقید بنانے کا حق حاصل نہیں، ہمارے ہندو شہریوں نے اپنے ملک کے لیے قربانیاں دی ہیں۔
Absolutely condemn this. No one has the right to attack anyone else's religion. Our Hindu citizens have given sacrifices for their country. Our PM's msg is always of tolerance & respect & we cannot condone any form of bigotry or spread of religious hatred. https://t.co/uOTeyEg4Pb
— Shireen Mazari (@ShireenMazari1) March 4, 2019
شیریں مزاری کا یہ بھی کہنا تھا کہ کسی بھی شکل میں مذہبی تعصب اور منافرت کو فروغ دینے یا پھیلانے کو نظر انداز نہیں کیا جا سکتا۔
مسلم لیگ نواز کے رہنما خواجہ آصف نے فیاض الحسن چوہان کو ’جاہل‘ قرار دے دیا اور کہا کہ پاکستان مذہب رنگ و نسل کی تفریق کے بغیر22 کروڑ پاکستانیوں کا وطن ہے۔
ادھر اداکارہ ماہرہ خان نے اپنے پیغام میں کہا کہ صرف مذمت کافی نہیں بلکہ وزیرِ اطلاعات کے خلاف ایکشن بھی لیا جانا چاپیے۔
ان کا کہنا تھا کہ ’مثال قائم کرنے کے ہر وقت اچھا ہوتا ہے لیکن ابھی شاید سب سے بہترین وقت ہے۔‘
Action not just condemnation. Always a good time to set an example, but now may be the best time! @ImranKhanPTI @ShireenMazari1 @PTIofficial https://t.co/MkxFKAnKo0
— Mahira Khan (@TheMahiraKhan) March 4, 2019
ترجمان دفتر خارجہ نے بھی اپنے ایک پیغام میں فیاض الحسن چوہان کے بیان کو رد کیا۔
ٹوئٹر پر اپنے پیغام میں ڈاکٹر محمد فیصل کا کہنا تھا کہ پاکستان فخریہ طور پر اپنے پرچم میں موجود سفید حصے کو اسی طرح اپناتا ہے جس طرح سبز حصے کو۔ ہم اپنی ہندو برادری کی خدمات کی قدر کرتے ہیں اور انھیں اپنا سمجھ کر عزت دیتے ہیں۔‘
عام پاکستانیوں کی جانب سے بھی صوبائی وزیرِ اطلاعات کے اس اقدام پر جہاں تنقیدی ردعمل سامنے آیا وہیں وہ پاکستان میں بسنے والے ہندوؤں سے معذرت بھی کرتے دکھائی دیے۔
خدیجہ عباس نامی صارف نے لکھا کہ ’میں فیاض چوہان کے نسل پرستانہ کلمات پر اپنی پوری ہندو برادری سے معذرت کرتی ہوں۔‘
ان کا یہ بھی کہنا تھا کہ فیاض چوہان کو عوامی خطابات کا موقع ہی نہیں دیا جانا چاہیے۔
I sincerely apologise to our entire Hindu community for the racist and ignorant comments made by Fiaz Chauhan. The guy shouldn't be provided any access to public speech. He is as important as beef in chicken corn soup.#SackFayazChohan
— Khadija Abbas (@TheKhadijaAbbas) March 4, 2019