بیجنگ (نیوز ڈیسک) پاکستان کی بھارت کے خلاف کامیاب کارروائی نے جے ایف 17 بنانے والی کمپنی کی موجیں کرا دیں، جے ایف 17 تھنڈر بنانے والی کمپنی کے شیئرز کی قیمت میں بڑا اضافہ ہو گیا، ساؤتھ چائنہ مارننگ پوسٹ نے اپنی رپورٹ میں کہا ہے کہ

پاکستان نے بھارت کا مگ 21 طیارہ 27 فروری کو مار گرایا تھا، اس کارروائی میں پاک فوج نے جے ایف 17 تھنڈر طیارے استعمال کیے، اس کارروائی کے تقریباً دو گھنٹے بعد ہی چین کی سٹاک مارکیٹ میں ٹریڈنگ کا آغاز ہوا۔ ٹریڈنگ کے آغاز پر ہی جے ایف 17 بنانے والی کمپنی چینگڈو ایئر کرافٹ (CAC)کارپوریشن کی سسٹر کمپنی سیچوان چینگ فی انٹیگریشن ٹیکنالوجی (CAC۔SCIT) جو شین ژین سٹاک مارکیٹ میں لسٹڈ ہے، کے شیئرز کی قیمت میں پانچ منٹ کے اندر ہی دس فیصد تک کا اضافہ ہو گیا، رپورٹ کے مطابق شیئرز کی قیمت میں مزید اضافہ ہو سکتا تھا لیکن چین کی سٹاک مارکیٹ میں دس فیصد سے زیادہ اضافے کی اجازت نہیں ہے۔ خیال رہے کہ شیئرز کی قیمت میں مزید بھی اضافہ ہوسکتا تھا لیکن چین کی سٹاک مارکیٹ میں 10 فیصد سے زائد اضافے کی اجازت نہیں ہے۔ چینی معاشی تجزیہ کاروں کا کہنا ہے کہ جے ایف 17 بنانے والی کمپنی کے شیئرز کی قیمت میں مزید اضافہ ہوسکتا ہے۔ جے ایف 17 تھنڈر طیارے پاکستان ائیروناٹیکل کمپلیکس اور چین کی CAC نے مشترکہ طور پر تیار کیے ہیں۔ ان طیاروں نے پہلی بار 27 فروری 2019ء میں براہ راست جنگ میں شرکت کی اور مخالف طیاروں کو تباہ کر دیا، اس سے پہلے یہ طیارے صرف جنگی مشقوں یا پھر مظاہروں میں ہی استعمال کیے گئے ہیں۔