تفصیلات کے مطابق پنجاب کے شہر سیالکوٹ میں ٹک ٹاک بناتے ہوئے نوجوان جان کی بازی ہار گیا، سیلفی کے بعد اب ٹاک ٹاک کے شوقین افراد اپنی زندگی داؤ پر لگانے لگے۔

پولیس کا کہنا ہے کہ 3کمسن دوست ٹک ٹاک بنارہے تھے کہ اچانک گولی چل گئی، گولی لگنے سے کھروٹا سیداں کا رہائشی عمار حیدر جاں بحق ہوگیا، عمارحیدر کو گولی لگنے سے پہلے کی ویڈیو اےآر وائی نیوز نے حاصل کرلی۔

فرسٹ ایئر کا طالب علم عمار اور دوست پستول کے ساتھ ویڈیو بنا رہے تھے۔

خیال رہے کہ یہ کوئی نیا واقعہ نہیں اس سے قبل بھی متعدد بار منچلے نوجوان ایڈونچر کرنے کے چکر میں جان کی بازی ہار جاتے ہیں۔ قبل ازیں درجنوں سیلفی کے شوقین افراد کی ہلاکتیں ہوچکی ہیں۔

Ary news