سعودی عرب نے پاکستانیوں کے لیے ویزہ فیسوں میں کمی کا اعلان کردیا۔ سعودی سفارتخانے کی جانب سے سعودی حکام کے فیصلے کا باقاعدہ اعلان کردیا گیا۔ پاکستانیوں کے لیے فیسوں میں کمی کا اطلاق 15 فروری سے ہوگا، سنگل انٹری ویزٹ ویزا کی فیس 2000 سے کم کرکے 338 ریال کردی گئی،سفارتخانہ ملٹی پل انٹری ویزٹ ویزا کی فیس 3000
کے بجائے 675 ریال ہوں گے

دوسری جانب سعودی ولی عہد شہزادہ محمد بن سلمان 2 روزہ سرکاری دورے پر کل اسلام آباد پہنچیں گے، معزز مہمان کے استقبال کیلئے خیر مقدمی بینرز آویزاں کر دیئے گئے، سعودی ولی عہد کی وزیراعظم سے ون آن ون ملاقات ہوگی، وفود کی سطح پر مذاکرات کے بعد معاہدوں پر دستخط ہوں گے۔

اسلام آباد کی اہم شاہراہوں پر معزز مہمان کیلئے بڑے بڑے خیر مقدمی بینرز لگائے گئے ہیں، دونوں ملکوں کے قومی پرچم بھی لہرا رہے ہیں، استقبال کیلئے تاریخی اقدامات کئے گئے ہیں۔ لاہور مال روڈ پر بھی خیر مقدمی بینرز آویزاں ہیں جس میں سعودی ولی عہد سے بھرپور محبت اظہار کیا گیا ہے۔

ادھر وفاقی وزیر اطلاعات فواد چودھری نے سعودی ولی عہد کے دورے سے پہلے سعودی ٹی وی چینل کو انٹرویو دیا۔ ان کا کہنا تھا پاکستان اور سعودی عرب کے درمیان تاریخی تعلقات ہیں، تعلقات اقتصادی روابط اور اسلامی اخوت کے رشتے میں بندھے ہیں۔ انہوں نے کہا وزیراعظم کے سعودی عرب کے دوروں سےتعلقات کو وسعت ملی ہم چاہتے ہیں سعودی عرب سے تعلقات تزویراتی شراکت داری میں بدل دیں۔

دنیا نیوز