روسی خاتون صحافی نے عمران خان کو خوبصورت اور کرشماتی شخصیت قرار دے دیا، ویڈٰیو وائرل

30

روس کی خاتون صحافی نے تحریک انصاف کے چیئرمین عمران خان کو جاذب اور خوبصورت شخص قرار دے دیا۔

تفصیلات کے مطابق تحریک انصاف کے چیئرمین نے گذشتہ روز روس کے نجی ٹی وی کی خاتون صحافی ’صوفی‘ کو انٹرویو دیا جس میں انہوں نے خصوصاً پاکستان اور افغانستان کی صورتحال سمیت دیگر امور پر گفتگو کی۔

خاتون صحافی نے انٹرویو کے بعد اپنے ٹویٹر اکاؤنٹ پر ایک ویڈیو شیئر کی جس میں انہوں نے لکھا کہ ’بالوں کے معاملے میں میری اور عمران خان کی ذہنی ہم آہنگی ہے‘۔ انہوں نے مزید لکھا کہ ’میں نے کرشماتی اور خوبصورت شخص کا انٹرویو کیا جس میں مجھے بے حد لطف آیا‘۔

حیران کُن طور پر خاتون صحافی نے جو ویڈیو ٹویٹر پر شیئر کی اُس میں دیکھا جاسکتا ہے کہ عمران خان اور مذکورہ خاتون نے بیک وقت اپنے بالوں پر ہاتھ پھیرا اور انہیں ٹھیک کیا۔

Well, I and @ImranKhanPTI , at least we have synchronisity on hair matters 😀 but seriously though, enjoy the interview with this persuasive and charismatic man https://t.co/lqeUYKYcTD pic.twitter.com/VivR6kbFmJ — SophieCo (@SophieCo_RT) April 16, 2018

صوفی نے سماجی رابطے کی ویب سائٹ پر عمران خان کی انٹرویو سے متعلق دوسری ویڈیو شیئر کی جس میں انہوں نے لکھا کہ ’عمراں خان نے افغانستان سے متعلق پاکستان پر لگنے والے الزامات کا بہت خوبصورتی سے جواب دیا، افغان جنگ میں طالبان سے ناکامی کا الزام پاکستان کے قبائلی علاقوں پر لگانا اچھا عمل نہیں ہے‘۔

The oh-so-handsome and just as smart @ImranKhanPTI talks to me today – on #Afghanistan, #Pakistan and whether it’s fair to blame the Afghan War failure on #Taliban who hide out in the Tribal Areas. See full show here https://t.co/s5xuWZukuO pic.twitter.com/dNJeKXHNly — SophieCo (@SophieCo_RT) April 16, 2018

روسی خاتون صحافی نے سماجی رابطے کی ویب سائٹ پر دوسری ویڈیو شیئر کی تو صارفین نے انہیں بہت دلچسپ جوابات دیے جس پر انہوں نے ایک صارف کو لکھا کہ ’گذشتہ 24 گھنٹوں کے دوران میرے پانچ ہزار سے زائد فالورز بڑھ گئے’۔

ایک صارف نے لکھا کہ ’آپ کا ٹویٹر تو بہت زیادہ بھر گیا‘ جس کے جواب میں صوفی کا کہنا تھا کہ ’میں خود حیران ہوں‘۔