انسانی حقوق کمیشن کے سربراہ امریکا کی کٹھ پتلی ہیں: صدر وینزویلا


کراکس (آن لائن)وینزویلا کے سوشلسٹ صدر نکولس مادورو نے کہا ہے کہ اقوام متحدہ کے حقوق انسانی کے سربراہ امریکی کٹھ پتلی ہیں۔
غیرملکی میڈیا کے مطابق نکولس کا اپنے ایک بیان میں کہنا تھا کہ زید رعد ایک ناسور بن چکے ہیں انہیں ہم پر تنقید کرنے کا کوئی حق نہیں ہے۔ دائیں بازو والے ان کی حکومت کو سبو تاژ کرنے کے لیے سازشیں کررہے ہیں اور اقوام متحدہ کا ہائی کمشنر دائیں بازو کا فاشسٹ ہے ،وہ امریکی سٹیٹ ڈیپارٹمنٹ کا زر خرید ہے وہ ہمارے ملک میں اپنی ساکھ کھوچکا ہے ۔واضح رہے کہ اقوام متحدہ کے حقوق انسانی کے سربراہ زید رعد نے چند روز قبل اپنے بیان میں کہا تھا کہ وینزویلا میں انسانیت کے خلاف جرائم میں سکیورٹی فورسز ملوث ہیں اور وہ انسانی حقوق کی خلاف ورزیاں کررہی ہیں۔